بطاطس محشية لحم مفروم
المقادير
- 30 ثمره بطاطس بحجم الليمونة الكبيرة
- 1/2 كيلو لحم مفروم
- 1/2 كوب ماء ساخن
- 2 عدد بصل مفروم ناعم
- 4 فص ثوم مفروم ناعم
- 1 ثمره فلفل اخضر مفروم ناعم
- 2 كوب عصير طماطم متصفي
- 2 معلقه كبيره زيت
- 1/2 كوب حليب
- 1/4 كوب خل
التوابل
- 1 معلقه صغيره ملح
- 1/2 معلقه صغيره فلفل اسود
- 1/2 معلقه صغيره بردقوش
- 1/2 معلقه صغيره بهار
- 1/4 معلقه صغيره حبهان مطحون
- 1/4 معلقه صغيره قرفه
- 2 فص مستكه
- 1 رشه جوزه الطيب
الخطوات
- ١. تغسل البطاطس وتقشر وتنقع في ماء مغلي مضاف إليه الخل لمدة ١٠ دقائق.
- ٢. في طاسة ساخنة نضع المستكة ثم اللحم المفروم بدون إضافة اي دهون ويشوح جيدا مع إضافة الحبهان ثم نضيف البصل المفروم ونشوح حتي تفوح رائحة عطريه للبصلة فقط ونضيف الملح ونصف مقدار التوابل والثوم ونقلب جيدا ثم نص كوب الماء وتركها تتشرب على نار هادئة وقبل ان ترفع من عالنار نضيف باقي التوابل ورشة جوزة الطيب والفلفل الأخضر ونقلب لمدة دقائق ثم ترفع من عالنار.
- ٣. تحمر البطاطس بالزيت الغزير وكذلك قلب البطاطس.
- ٤. في كزرولة نضع معلقتين الزيت والطماطم وتترك حتي تتسبك وتتبل.
- ٥. تحشي وحدات البطاطس.
- ٦. نحضر قالب فرن ونضع به قلب البطاطس المحمر والمتبقي من اللحم المفروم مع رشة ملح وفلفل وبهار وترصص البطاطس المحشيه.
- ٧. نضع فوق كل واحدة بطاطس ملعقة من الطماطم المتسبكة.
- ٨. ناخذ باقي الطماطم مع اللبن وتقلب ويسقي بها قلب البطاطس بالصينية.
- ٩. تدخل فرن ساخن على ٢٢٠ عالرف الأوسط حتي يتشرب قلب البطاطس السائل ويتحمر وجه البطاطس وتقدم.
- ملاحظات لنجاح الوصفة ١. التقوير الجيد للبطاطس ٢. وضع نص كوب من الماء الساخن للحم المفروم يساعد على إبراز نكهة اللحم والتوابل وبتخلي الحشوة طرية. ٣. التحمير الكامل للبطاطس وللقلب تباعها. ٤. نقع البطاطس في ماء مغلي او وضعها عالنار لمدة ٣ ق. ٥. تتبيل اللحم المفروم على مرحلتين. ٦. عمل الوصفة بحب والاستمتاع بها يساعد على نجاحها والف هنا.
