شاورما بط
المقادير
- 2 عدد صدور البط
- 10 عدد خبز الصاج
- 1 حزمة بقدونس طازج
- 2 كيلو بصل ابيض
- 1 كيلو بصل أحمر
- 1 لتر عصير برتقال معلب
- ½ كيلو نصف كيلو جزر طازج
- ملح
- فلفل اسود حسب الرغبة
- زيت الزيتون
- 2 معلقة كبيرة سمسم
- 1 رأس ثوم
- 2 علبة كبير زبادي يوناني
- نعناع طازج
الخطوات
- هناخد صدر البط بتاع ديليزيو زاي ما هوا بالدهن (عشان ده الي هيعمل الصوص)
- هنرش ملح و فلفل على الصدر من الجانبين.
- و هننقعه في كوب ماء بصل و كوب عصير برتقال (معلب)، هيتم تتبيله من ساعة لساعتين.
- بعد التتبيل، هننزل بالبط في طاسة باردة بدون أي دهون و نتأكد ان دهن البط هو اللي تحت عشان يسيح و الحرارة بتزيد
- تترك التتبيلة لانه سوف يتم إستخدامها للصوص
- على ما البط يستوي. هنعمل مكونات ساندويتش الشاورما
- هنقطع بصلة حمراء رفيع و نتبلها بملح و فلفل و بقدونس فريش و سماق
- هنشوف كده البط لما يبقى فيه كمية دهن كافية هننزل ب3 معلقة من التتبيل بتاعة البط و هنقلب الصدر على جانب اللحمة
- هنقطع الجزر قطع طويلة رفيعة (باتونيه)، ثم يسكب 2 كوب ماء مغلي و ننقع فيهم الجزر مع 3 معلقة ملح.
- سلطة الزبادي يمكن تبديلها بتوميه
- هنجيب كباية زبادي، عليها معلقة صغيرة ثوم مفروم و عودين نعناع مفروم و رشة ملح
- نرجع للبط، المفروض يكون الصوص تقل و بقى ليه قوام… هنرش كده معلقة سمسم ابيض، دقيقة و نشيلهم من على النار..
- هنطلع صدر البط نقطعه شرائح رفيعة (زاي الشاورما) و نحط عليهم معلقتين من الصوص الي اتعمل في الطاسة
- هنجيب بقى العيش الصاج و نبدأ في الساندوتش
- يتم دهن الزبادي و جمبها مكس البصل و بعدين شاورما البط و المخلل الجزر و نقفل الساندوتش
