كونك أم هذا يجعلك تمرين بأصعب المشاعر الإنسانية و التى من الصعب ان يمر بها اى انسان عادي فوظيفه الام هي وظيفه خاصه جدا لها قدسيتها التامه و لا ينكر اى شخص على وجه الارض اهمية دور الام .. ، خليط من كل حاجة في نفس الوقت ، حب احتواء خوف قلق تقصير تأنيب ضمير مذاكرة حمل رضاعه تدريس توصيل تمارين .. من الاخر كده كل ما لذ و طاب من مجهودات الحياة و اعباءاها على عاتق الامهات .
و بالتالى نحن معشر الامهات دائاما و ابدا “ناسيين نفسنا ”، مع دوامه البيت و الزوج و الاطفال نسينا كنا بنحب ايه و ننبسط ازاى قبل دور الأمومة . وبالتالي هناك الكثير من الامهات غير سعداء و يشعرون بتعاسه مبالغه .. يقومون بافناء نفسهم فى الحياة و يشعرون بعدم الراحه و عدم الرضا .. و يعيشن صراع نفسي لا يخرجون منه ابدا ..
اولا عليكى ان تتخلى عن دور الشمعه التى تحترق من اجل الاخرين حتى تشعري انك ام جيدة .. يجب عليكي عدم نسيان ذاتك و نفسك لمجرد ان اولادك اهم .. لا يجب عليكي اعطاء كل حب الدنيا لاولادك و تنسي ان تعطي جزء لنفسك..
حبنا لنفسنا كأمهات وإهتمامنا بإحتياجتنا النفسية والجسدية والروحانية لا يعتبر أنانية أو تقصير مننا تجاه مسؤولياتنا و واجبتنا ، لكن بالعكس هو أول طريق لأطفال مرتاحة وبيت سعيد و زوج اسعد .
حبك وتقديرك لنفسك يبدأ بوضع نفسك وأولوياتك في اول الليست ليس فقط اولويات جوزك واولادك وبيتك ، لإن ببساطه ” إنتي لو شحنك خلص مش هتقدري تدي أي حاجة لأي حد بتحبيه ” .
و لذلك لابد من اتباع بعض الافكار البسيطة والغير مكلفة و التى لا تأخذ وقت طويل فى تنفيذها و لكنها ستساعدك على الشعور بالسعاده و “التنفيس” ..
ربع ساعة في اليوم هتغير حياتك :
استقطاع جزء من اليوم لكى انتى و فقط و غير مسموح باقتحام هذا الوقت من اى شخص مهما كان .. ما تتنازليش أبدا عن وقتك لنفسك خليه أولوية زيه زي كل حاجة بتخص ولادك ، تعملي فيه اي حاجة بتحبيها حتي لو هتقعدي ساكتة بلا هدف لو ده هيريحك .
قسمي المهام :
قومى بشراء نوت بوك صغيرة اكتى بها مهامك اليوميه و قسمى المهام على مدار اليوم الى ضروريات و اشياء يمكن تأجيلها و اشياء يمكن الغاءها حتى تتمكنى من وضع وقت لنفسك فى اليوم لراحتك . لا تحملى نفسك فوق طاقتها .. مش كل حاجه لازم تمشي بالحزافير! احيانا بعض التقصير و التطنيش مطلوب حتى لا ترهقي اعصابك دائما .
أطلبي المساعدة من زوجك :
دور الزوج و الاب مهم جدا فى المساعده اعطي له بعض المهام التى يقدر على فعلها كتوصيل الاولاد للتمرين فى يوم ما او ارجاعهم من الكورسات .. اطلبى منه ان يساعدك فى الطهى او كي الملابس .. و اذا كانت الحالة المادية تسمح بوجود مساعدة معكى فى المنزل للنظافه و الترتيب استعينى بها لتوفير طاقتك و مجهودك فى الاشياء التى لا يستطيع احد غيرك فعلها.
دلعي نفسك بخروجة أو بهدية أول كل شهر :
لا تبخلى على نفسك باستقطاع جزء من المصاريف لكى حسب امكانياتك و امكانيات زوجك و اخرجى مع اصدقاءك او اشترى لنفسك شيئا تحتاجينه فان هذا يجعل نفسيتك هادئة و سعيدة .
مارسي الرياضه الخفيفه : كالمشي او الجرى فى المكان او ركوب الدراجه او الرقص فى المنزل و اذا هناك ما يتيح ان تذهبي الى الجيم افعلى ذلك من اجل صحتك اولا و لياقتك و تحسين نفسيتك .. مارسي الميديتيشن اوالتأمل وهتلاقي فيديوهات كتير منها للمبتدإين علي اليوتيوب
قومي بأخذ كورس اونلاين : فى اي شيء محتاجه ان تعرفيه او تتعلميه او تطورى من ذاتك فيه و قومى بتخصيص وقت للقراءة فيه او مذاكرة يومي له .
و فى النهاية ” الوصفه ” السحرية هي: اتمشي \ إلعبي رياضة\ إرقصي\ إسمعي مزيكا\ إنزلي إفطري برة وإدخلي سينما “حتي لو لوحدك . حبى نفسك اولا هتحبى نفسك كأم ,, الأفكار كتيير وما بتخلصش بس أهم حاجة فيها هي إنك تبقي مقتنعة إن من حقك كأم تكوني سعيدة، وكم حقك كأم تعيشي كبني أدم مستقل له إهتماماته اللي مش كلها متعلقة بولادك، وإن دورك هو انك تدورى علي سعادتك بنفسك ماتستنيش حد يسعدك، دوري علي اللي بيخليكي نفسيا مبسوطة وراضية عن نفسك وشكلك وحياتك وإعمليه من غير ما تحسي بالذنب او عدم الإستحقاق، لأنك تستاهلي تبقي مبسوطة عشان تعرفي تبسطي كل حبايبك.
تابعي قسم الجمال بموقعنا يوميا للمزيد من الوصفات و المقالات المفيدة
و لمشاهدة المزيد من فيديوهات الجمال تابعى صفحتنا ELWASFA BEAUTY على الفيسبوك او حسابنا على الانستاجرام
