بطاطس باللحم المفروم
الحصص 4 افراد
المقادير
- 2 كيلو بطاطس متوسطة الحجم
- 1 كيلو لحمة مفرومة ناعم
- 2 ثمرة بصل متوسط مفروم ناعم
- 1 كوب لبن او شوربة
- 4 ثمرة طماطم مبشورة و مسبكة
- 2 ملعقة كبيرة قشطة بلدى
- توابل
- ملح فلفل
- بهار
- بردقوش
- قرفة
- جوزة الطيب
- مستكة
- حبهان
- 2 ملعقة كبيرة زيت و زيت للتحمير
- 1 ملعقة كبيرة صويا صوص
- 1 ملعقة كبيرة مسطردة
- 2 ملعقة كبيرة خل
الخطوات
- يتم تقوير البطاطس و يعمل لها قاعدة ثم تحمر فى زيت غزير تحمير كامل
- يتم تحمير قلب البطاطس المستخرج من التقوير فى الزيت حتى يصبح مثل الشيبسى
- فى اناء على النار يتم وضع فص مستكة و يسيح ثم يوضع القليل من الخل و القرفة و البردقوش ثم نضيف اللحم و نشوحه ثم البصل و قليل من الزيت و يتبل و يزود بالماء و يترك حتى النضج ثم تضاف اليه جوزة الطيب و المسطردة و الصويا صوص
- يتم حشو وحدات البطاطس بالخليط السابق
- فى صينية يتم وضع قلب البطاطس و باقى اللحم المفروم ثم يتم رص فوقه وحدات البطاطس و يسقى قلب البطاطس بقليل من اللبن و ملح و فلفل و بهار ثم يتم وضع الطماطم المسبكة فوق وحدات البطاطس و تدخل الفرن
- بعد ان يحمر الوجه قليلا يتم وضع قطع القشطة فوق كل واحدة بطاطس حتى تسيح القشطة فوقها و تحمر و تقدم بالهناء و الشفاء
