Search

اطعمة تساعدك خلال يومك على التركيز

كتير من الوقت في يومنا بنفقد التركيز وبنحتاج للأكل والشرب عشان نعرف نستعيد تركيزنا لحد نهاية اليوم

بعض المأكولات والمشروبات بنلجأ ليها في الوقت ده بترفع مستوي السكر في الدم بسرعة جدا وبعدها بفترة مستوي السكر بينخفض تاني وندخل في دائرة لا تنتهي وبنستهلك فيها كتير من السكر الضار والغير المفيد

ساعتها ايه المفروض يتعمل عشان نزود تركيزنا ؟!

دي قائمة ببعض الماكولات والمشروبات الي هتساعدك  علي التركيز اكتر وهتبعدك  عن كثره استخدام السكر و الكافيين :

الكافيين

من أشهر المواد علي الاطلاق مساعدة علي التركيز

الكافيين موجود بوفرة في مشروبات زي القهوة ومشروبات الطاقة وكمان موجود في مأكولات زي الشيكولاتة

بس محتاجين نتعقل في الاستخدام عشان نستفيد من أثره الطيب فقط ونتفادي ضرره

لأن كثره استخدام الكافيين ممكن تخليك متنرفز وغير مرتاح .

السكر

السكر من الاشياء المفيدة جدا للجسم ويشكل وقود للدماغ وكل العمليات الحيوية في الجسم

مش معني كده اننا نروح للمأكولات الضاره الي بترفع مستوي السكر بسرعة

بس ممكن نتحول علي

العصائر الفريش زي البرتقال – التفاح – الرمان الي فيها مضادات اكسده طبيعية ونسبة سكر معقولة هتفيد جسمك

وده هيزود من نسبة التركيز اكيد

مأكولات

كتير مننا بينسي الصبح وهو نازل يفطر وده بيأثر علي كفأته وشغله بسبب قله السكر في الدم والمواد المغذية للجسم وده بيضرنا لأننا بنتحامل علي نفسنا ونأكل اكل غير مفيد في نهايه اليوم

محتاجين في أكلنا  يبقي متواجد أغذيه تحتوي علي حبوب كاملة وألياف.

زي الشوفان او العيش بالدقيق الكامل والرز البني والخضروات بأنواعها.

من ضمن الاكل المفيد للذاكرة والتركيز بكل تأكيد هيبقي الشيكولاته الداكنة والمكسرات زي اللوز وعين الجمل والفستق.

محتاجين دايما نفكر نفسنا بأهميةالفيتامينات وإن في نوعيات من الأكل هي الوحيدة الي بتقدر توفر الفيتامينات دي – إلا لو هاخد الفيتامينات دي معبأة بشكل دوائي.

من أهم الفيتامينات تأثيرا  علي صحتنا فيتامين B وده موجود في كل البروتينات زي السمك واللبن والبيض واللحوم وفي الاسماك القشرية زي المحار.

موجود كمان في الموالح زي البرتقال والليمون.

اخيرا لو متأكد ان يومك طويل محتاج تبقي محضر نفسك ذهنيا لده ودي طرق هتساعدك:

النوم الجيد يساوي تركيز اكثر .

الفطار كويس وده هيزود من تركيزك.

التفكر ولو بقليل من تمارين اليوجا.

المواظبة علي شرب المياه باستمرار.

 

لمشاهدة المزيد من المقالات يرجى الضفط على المقالات التالية (مشروبات وأطعمة تساعد على حرق الدهونجهازك المناعي كيف تجعليه قويا)