محشي مشكل " محشي باذنجان - محشي كوسة - محشي فلفل "
الحصص 6 افراد
المقادير
*مقادير المحشي المشكل:
- ½ كيلو كوسة مقورة
- ½ كيلو باذنجان أبيض وأسود مقور
- ½ كيلو فلفل رومي مقور
- 4 عدد طماطم مقورة
- 2 عدد بصل مسلوق
*خلطة المحشي المشكل:
- ½ كيلو أرز
- 2 عدد بصل مبشور
- حزمة بقدونس مفروم
- حزمة شبت مفروم
- حزمة كزبرة مفروم
- 5 عدد طماطم عصير
- 2 ملعقة كبيرة معجون طماطم
- 4 ملعقة كبيرة دبس رمان
- ملح وفلفل +خلطه 11 بهار + قرفة + نعناع مجفف
- 2 ملعقة كبيرة سمن بلدي او زيت
*للتسوية:
- 3 كوب شوربة 3 كوب ماء ساخن
- 1 مكعب مرقة
- 1 ملعقة كبيرة صلصة طماطم
- ملح و فلفل اسود
- 1 ملعقة كبيرى زيت او سمن
الخطوات
*طريقة تحضير الخلطة :
- في حلة علي النار نضع 2 معلقة سمن ثم البصل و يشوح الي ان يصبح لونه ذهبي
- نضيف نصف كمية الخضرا ( الشبت + البقدونس+ الكزبرة)
- نضع معلقة من النعناع الناشف و نقلب المكونات جيدا
- نضيف معجون الطماطم و دبس الرمان و نقلب
- نضيف عصير الطماطم ثم الملح و الفلفل و البهارات
- نتركه الي ان تتسيك
- نرفعه من علي النار و نضيف الارز و باقي الخضرة و نقلبهم جيدا
*طريقه تحضير المحشي :
- نحضر حلة مناسبة و نضع حلقات من البصل في القاع مع بعض من عروق الخضرة
- نحشي المحشي و نرصه في الحلة بشكل مستقيم
- نضع الشوربة الساخنة او المرقة
- نتركه يغلي ثم نهدئ النار الي ان ينضج
- يقدم ساخن .. و بالف هنا
