كيفية علاج الام الظهر

 كثرة الاجهاد ووضعياتنا الخاطئه في الجلوس الاستمرار عليها بتسبب لينا مشاكل في الظهر وأسفل الظهر وممكن المشاكل دي تبقي مزمنه وتسبب ضرر دائم أو حتي تحتاج للتدخل الجراحي

في المقالة دي هنحاول نتعرف علي ايه المفروض اعمله يقلل من الالم ويقوي عضلات الظهر ويحمينا من الأضرار الناتجة عن الوضعيات الخاطئة

 

1. الراحة

كتير مننا بيفترض إن بسبب وجود ألم قوي في الظهر إن الراحة التامة هتؤدي بشكل كامل الي إبعاد الألم

وده مش دقيق بشكل كافي بعض الدراسات بتقول ان كثير من الناس المصابين حديثا بالام الظهر قلة لحركة أو انعدامها لمدة بيأثر بشكل سلبي علي عكس النشاط وإن المرضي الموصوف لهم الراحة الكاملة متزيدش فيها المدة عن 3 أيام .

2. التمارين الرياضية

التمشية والتمارين البسيط بتخرج الظهر من إطار الجلوس بشكل دائم مفيدة

بس ده مش معناه الإفراط في بذل مجهود يتطلب التحميل علي عضلات الظهر أو ممارسة رياضات مجهدة

 

3. الوضعية الصحيحة للجلوس

الألم الظاهر مش وليد لحظةواحدة من الخطأ في وضعيه للجلوس أو فقط تحميل مفاجئ علي عضلات الظهر

ده نتاج الاستمرار في نفس الخطأ لحد ما يوصل لمرحلة جسمك فيها بيوصل لك المعلومة بشكل مش لطيف وهي الألم

مفيش شئ أهم في حياتك من صحتك تتنبه له

وده يخلينا نركز بشكل دائم علي وضعياتنا في نشاطتنا اليومية الدائمة من بداية اليوم مرورا بغسل الأسنان وطريقه الوقوف حيث أن أي درجه من الانحناء بشكل يحمل علي عضلات الظهر هيساوي فيما بعد ألم .

إلي الجلوس علي المكتب واثناء السواقة أو المواصلات

منها إلي اخيرا الحمل الرهيب الي بيمثله الموبايل علي الرقبة والكتفين والذراعين وده بيأثر بشكل مباشر علينا مش بسبب وزن الموبايل قد ما هو بسبب كثرة وسوء الاستخدام

 

4. رؤيه المختص

لا يوجد خطأ في الشعور بالالم ولا يوجد خطأ في التعبير عنه

كتير مننا بيكابر ويتحامل علي نفسه وعلي جسمه وياخد مسكنات كتير عشان يتحايل علي الألام

والمسكنات مش حل وعلي المدي البعيد هتؤدي الي مشاكل كتير منها لا قدر الله قرحة في المعدة

الطبيب المختص وطبيب العلاج الطبيعي هيبقي لهم دور هام وكبير جدا في تقوية عضلات الظهر وتعريفك بالوضعيات الصحيحة الي تخليك تتغلب علي الألم

 

5. التمارين الرياضيه والدعامات والاطالات

بعض التمارين الرياضيه بتساعد علي تقوية عضلات الظهر والبطن core muscles  وده بيساهم بشكل كبير في توزيع المجهود عليهم بالتبعية

دعامة الضهر دورها يكون حتمي في حالات التمارين الرياضيه العنيفه مثل حمل الاوزان الثقيلة  لكن ارتدائها بشكل دائم بيضعف عضلات الظهر

 

6. كمادات

الكمادات الساقعه والدافئه بتمثل حل للألام الحادة والإصابات

الأطباء بيوصفوا في حالات الإصابة أول 48 ساعه كمادات ثلج وبيتم التحويل بعدها لكمادات دافئه

 

7. وضعيه النوم

وضعيه النوم والاستمرار فيها لمدة بيمثل حمل علي الظهر

ولذلك الخبراء بينصحوا

• النائمون علي ظهورهم يفضل وضع مخده أو شئ ما تحت الركبة
• النائمون علي الجنب ينصح بوضع مخدة بين الركبتين للحفاظ علي وضع الظهر
• النائمون علي البطن يسبب الما في الرقبه بسبب انحناء الرقبة والرأس

8. التدخين

التدخين بيأثر بشكل جذري علي الدورة الدموية وده بيؤدي الي إنقباض في الأوعية الدموية وبسبب إن في أوعيه دموية حجمها صغير  وده بيقلل ضخ الدم الي الأنسجة

التأمل واليوجا والتمارين الخفيفه أكيد هتأثر بشكل جذري علي الصحة النفسية وده هينعكس علي صحتك الجسدية وممكن يبقي الألم منبعه نفسي وبالتبعية لو تم التغلب علي الجانب النفسي يأثر بشكل ايجابي علي الم الظهر .