علاج الاسنان

علاج الاسنان موضوع شائك بالنسبه لكثير من الناس بسبب الألم الشديد واحيانا اخري بسبب تجارب سابقه غير لطيفة مع اطباء الأسنان أو الألم الناتج عن الزيارة

دائما بنفكر الوقايه خير من العلاج

المتابعه الدوريه كل 6 شهور مع طبيب أسنان هيقلل من فرصه وجود أمراض زي التسوس – المرض الأكثر انتشارا في العالم – أو امراض اخري تصيب اللثه أو الفم

قبل ما نعرف علاج الم الاسنان ونتصرف ازاي ونعمل ايه 

محتاجين نعرف معلومات عامة عن الاسنان بشكل نبدا  بالاطفال من اول  شهور ولحد 6 سنين الاسنان بيبقي عددها 20 سنة وهي اسنان لبنية بيتم تبديلها بأسنان دائمه

وده ياخدنا لموضوع مهم جدا جدا احيانا الاهالي بتشوف عشان الاسنان دي لبنيه فممكن نخلعها وهيتم تبدليها عادي

الحقيقة ده غلط كبير

الاسنان اللبنيه لها وظيفه أوليه وهي تقطيع الاكل ومضغه مثلها مثل الدائمة بس ليها دور تاني اكبر وأهم وهو حفظ المسافة للاسنان الدائمة عشان تلاقي مكانها في الفك لما تيجي تطلع

لو في سنة لبنيه موعد تبدليها لسه مجاش وبقي فيها مشكله ومحتاجه (حشو او الخلع ) ساعتها باستشاره طبيب الاسنان هو بياخد القرار المناسب سوا بعلاج السنة

المصابه لحد خلع السنه وتركيب حافظ للمسافة

نيجي للجزء الغير مفهوم ليه ألام الاسنان اكثر بشاعه من الألام الأخري

عشان الاسنان عبارة عن جزء صلب بداخلة عصب وفى حالات التهاب العصب مفيش مكان لتفريغ الضغط دة وبالتالى بيسبب الالم الرهيب ده

في حلول مؤقته هتحل المشكله زي القرنفل والبنج الموضعي والمضمضة بماء دافئ بملح و كمادات الثلج  والمسكنات  بس ده مش حل نهائي للمشكله ده لتخفيف الألم فقط

الحل يكون في الذهاب لطبيب الاسنان عشان نتخلص من مسبب الالم وتفادي ان لو في تورم يبقي مزمن

وده ياخدنا لنقطه هامه جدا هي ان المضادات الحيويه واستخدامها الغير مبرر الي بيحل المشكله مؤقتا فقط لأن المشكله في السنة او الضرس والمضاد الحيوي ساعتها هيتخلص من العرض وهو التورم والخراج ومش هيتخلص من السبب وهو السنة او الضرس

في مسببات اخري لألام الأسنان زي

• حساسية الاسنان ودي بيتم التخلص منها بمعجون الاسنان او لو في حالات صعبة بيبقي باستشارة طبيب الاسنان
• الكسور الصغيره في الاسنان والحشوات القريبة من العصب
• و الحشوات او التركيبات العاليه او الغير مضبوطة ممكن تسبب الام في مفصل الفك

تحمي أسنانك ازاي 

• اولا: غسيل الاسنان وتدليك اللثة بالفرشاة مرتين يوميا يفضل طبعا فرشاة الاسنان الناعمة ووجود فلورايد في معجون الأسنان
• ثانيا: استخدام الخيط الطبي dental floss  بين الاسنان عشان الفرشاة مش بتوصل لكل الأسطح

وبالمتابعه الدورية مع طبيب الأسنان وازاله الجير بشكل منتظم كل 6 شهور

 

أكيد معدلات التسوس واللثة الدمويه والملتهبه و رائحه الفم الكريهه هتقل تماما

دائما بنفتكر أن تأتي متأخرا خير من أن لا تأتي

لو متعودتش تواظب من صغرك لسه في وقت عشان تحافظ علي أسنانك وصحتك