فتة العيد بهوبر اللحم من اللحم المفروم

فتة العيد بهوبر اللحم من اللحم المفروم

وجبة lunch, Main Course, Main Dish, طبق رئيسي, وجبة متكاملة, وصفات عيد الاضحي
مطبخ طبق رئيسي, لحم, لحوم, مطبخ مصري, وجبة الافطار, وجبة العشاء, وجبة الغذاء
Keyword الفتة بهوبر اللحم, فتة العيد, هوبر اللحمة من اللحم المفروم
مدة الإعداد 15 دقائق
مدة الطبخ 35 دقائق
الحصص 6
الشيف منال رشاد

المقادير

مكونات اللحم

  • 1 كيلو لحم مفروم
  • 1 عدد بصل
  • 1 عدد جزر
  • 1 عدد طماطم
  • 1 عود قرفة
  • 2 عدد ورق لورا
  • 4 فص حبهان
  • 2 فص مستكة

مكونات الارز

  • 3 كوب ارز مصري
  • 3 ملعقة كبيرة سمن مع زيت
  • رشة حبهان
  • 1 فص مستكة
  • 3 ملعقة ضغيرة ملح
  • 1 عدد ليمون عصير
  • 3 كوب شوربة او 2 شوربة وواحد مياه او كلها مياه

مكونات صلصة الطماطم

  • 1 ½ كيلو طماطم متسبكة ومضروبة بالخلاط ومتصفية
  • 2 ملعقة كبيرة صلصة طماطم
  • 10 فص ثوم مدقوق مع فلفل حار
  • ¼ كوب خل
  • 2 ملعقة كبيرة زيت
  • 1 ملعقة كبيرة سكر
  • 1 ملعقة كبيرة ملح
  • 1 ملعقة كبيرة بابريكا
  • ½ ملعقة صغيرة كمون
  • ½ ملعقة صغيرة كسبرة جافة
  • ½ ملعقة صغيرة فلفل اسود
  • رة شطة حسب الرغبة

مكونات صوص الزبادي

  • ½ كيلو زبادي
  • 4 فص ثوم
  • رشة فلفل اسود

لتحمير اللحم

  • 2 ملعقة كبيرة سمن بلدي
  • 2 فص مستكة
  • رشة فلفل اسود
  • رشة كبابة صيني
  • رشة جوز الطيب

للخبز المحمص

  • 4 عدد خبز بلدي
  • سمن او زيت للتحمير
  • رشة كمون
  • 1 ملعقة صغيرة ثوم بودر

للطشة

  • 2 فص ثوم مفروم
  • 2 ملعقة كبيرة خل
  • بقدونس وطماطم شيري وحلقات بصل للتزيين

الخطوات

خطوات عمل هوبر اللحم

  • يفرم اللحم المفروم بالكبة او يعجن جيدا باليد بدون اي اضافات ونحضر قالب ثلاجة
  • ونغلفه بكيس من اكياس حفظ الطعام ونضغط اللحم بداخله بالسمك الذى نريد قطعة اللحم عليه
  • وندخله الفريزر يتجمد ونقطعه مربعات مثل مكعبات لحم السلق او الخضار
  • او نلفه قطع غير منتظمه كل قطعه بكيس المهم لازم نجمده ونستعمله وهو مجمد
  • نجهز حلة على النار ونضع فيها نقطة زيت وننزل بالمستكة والقرفة واللورا والجزر والبصل
  • ونقلب ثم الماء الساخن واول ماتكون المياه بتغلي جداااا ننزل بقطع اللحم المجمد
  • ونزيل الريم وننزل بالطماطم والحبهان ونتركها حوالي 15 دقيقة لتكون اتسلقت وعملت احلي شوربة

خطوات تجهيز الارز

  • في حلة ساخنة نضع السمن والزيت والمستكة والحبهان ونشوح الارز
  • ونتبله بالملح وننزل عليه بعصير الليمون والماء او الشوربة واول مايغلي نهديء عليه النار
  • ونتركه حتى يتشرب ولو احتاج نزيد شوربة نضيف

خطوات تجهيز الصلصة

  • في حلة نضع الزيت ومعه الثوم و ثمرة الفلفل ونشوح الثوم لحد ماتبقي فقط لونها ذهبي فاتح
  • ننزل بالصلصة مع تقليبه وننزل بالطماطم المتسبكة ونضيف السكر وتغلي
  • لو احتاجت تتزود شويه نزودها ماء او شوربه ولما تغلي كويس نظبط الملح والتوابل
  • ونضيف الخل واول ماتوصل للقوام المطلوب نرفعها من على النار

لتحميص الخبز

  • يقطع مربعات صغيرة الحجم ويضاف اليه السمن او الزيت والكمون والثوم البودر
  • ويدعك باليد ثم يفرد في صينية فرن كبيرة ويدخل علي حرارة ضعيفة جدا يتحمص براحته

لعمل صوص الزبادي

  • في وعاء نخلط الزبادي مع الثوم والفلفل الاسود

لتجهيز احلى طبق فتة

  • نفرد طبقة من الخبز وتسقي بالصلصة وتترك حوالي دقيقتين
  • ثم تسقي بكبشة من الشوربة ويفرد فوقها الارز وييسقي بالصلصة
  • وتحمر اللحم بالسمن ويرصص فوق طبق الفتة وحسب الرغبه مكان اللحم
  • نحمر فصين الثوم ونضع عليه الخل ونرشه علي وجه الفتة

لتجهيز فتة بالزبادي

  • نضع طبقة من الخبز وعليها حوالي نصف كمية الزبادي والقليل من الصلصة وكبشة من الشوربة
  • ثم الرز ونفرد عليه باقي الزبادي ونرش عالوجه القليل من الصلصة متفرقه
  • ونضع اللحم والسمن المتبقي من تحمير اللحم
  • والف هنا

نصائح لنجاح الوصفة

  • كبس اللحم المفروم جيدا في قالب الثلاجه قبل دخولها الفريزر بيساعد علي انها متفكش
  • طهي اللحم وهي مجمدة والماء يكون بيغلي كويس جدااااااا
  • عمل الوصفة بحب بيساعد علي نجاحها