غريبه
الحصص 20
المقادير
- 500 جرام دقيق ٤ اكواب معياريه
- 250 جرام سمن بلدي كوب وربع ساقع بصوره متوسطه
- 75 جرام سكر بودره منخول ½ كوب
- 30 جرام حليب بودره ¼كوب اختياري وغير اساساسي في الوصف
- 100 جرام فستق للتزيين
- ¼ كوب كاكاو خام للتزيين
الخطوات
- في بوله نضع السمن مع السكر ونستمر في الخفق حتي يصبح الخليط هاش وكريمي واللون فاتح جدا
- ثم نضيف الدقيق المنخول المضاف اليه الحليب البودره ونخلط كويس حتي يتجانس الخليط
- لو الجو حار نحط العجين شويه في التلاجه علشان نعرف نشكله ونكور قطعه اذا لم تتشقق يبقي كده العجين مظبوط
- ولو فيها تشققات يبقي ممكن الدقيق زاد مننا نزود معلقة سمن ونخلطها كويس ونفتح الفرن علي درجة حرارة 170 درجة ونسخنها قبلها ونكور الغريبه ونزينها بالفزدق او اي نوع مكسرات وممكن نزين بالكاكاو الخام نطبع الكاكاو بالشوكه او اي طباعه فوق وحدات الغريبه
- وندخلها الفرن عالرف الاوسط لمدة 12 دقيقة ونطلعها بدون مايتغير لونها
- وتترك في الصينيه حتي تبرد تماما وتوضع في علب محكمة الغلق
ملاحظات لنجاح الوصفه
- السمن يكون بارد
- الفرن حرارته لاتزيد عن170حتي لا يتشقق سطح الغريبه
- لو حرارة الجو مرتفعه نضع صواني الفرن بالتلاجه قبل استخدامها
- وبعد تشكيل الغريبه ندخلها التلاجه عشر ق قبل ماتدخل الفرن
- الحليب البودره اختياري ولكن وضعه يعطي طعم جميل وغني اذا توافر عندنا نحطه
- واخيرا عمل الوصفه بحب يساعد علي نجاحها