صينية مكرونة بالبشاميل
الحصص 4
المقادير
- ½ كيلو مكرونة قلم ¾ نضج ومتقلبة في 2 ملعقة زيت
- ½ كيلو لحم حمراء مفروم
- 1 عدد بصل كبير مبشور
- 2 عدد طماطم كبيرة مبشورة
- ملح و فلفل حسب الذوق
- 1 ملعقة صغيرة بهارات لحم
للبشاميل
- 1 ½ كيلو حليب
- ¾ كوب دقيق
- ½ كوب زبدة
- 1 كوب جبن موتزاريلا
- ½ كوب شيدر اصفر مبشور
الخطوات
للحم المفروم
- فى طاسة على النار نضع رشة زيت خفيف ونضع البصل ونشوحها مع رشة ملح و فلفل والتوابل
- وننزل عليها باللحم المفروم ونشوح وننزل عليهم بالطماطم المبشورة
- ونقلب ونغطي عليها ونتركها تنضج
للبشاميل
- فى حلة على النار نضع الزبدة ثم الدقيق
- ونقلبهم ثم نضيف الحليب ونقلب حتى نحصل على القوام المطلوب ونتبله بالملح والفلفل
لصينية المكرونة
- في بيركس كبير نصب كمية من البشاميل ثم نضع نصف كمية المكرونة ونفردها كويس
- ثم نضع اللحم المفروم ونفرده ونوزعه كويس ونفرد فوقيه باقي كمية المكرونة ونفردها
- ونصب فوقيها البشاميل ونوزعه كويس ونغطي وشها بالجبن الموتزاريلا والشيدر
- وندخلها فرن ساخن جدا لمدة 30دقيقة حتى يبقي لونها ذهبى جميل وبالف هنا
