Search

أبتكارات لبقايا الطعام — و فري و ابهريهم

بقايا الطعام  بتسبب مشكله كبيرة فى معظم البيوت لان بيكون صعب نرمى الأكل و بنفقد شهية تناولة فى اليوم التانى

وعشان كدة   فكرنا نساعدك    ازاى تقدرى تقدمى أكل النهاردة لبكره بشكل جديد وطعم مختلف 

 ***باب كيك البطاطس المهروسة    

كتير بيفضل عندنا بطاطس مهروسه – عمرك جربتى تغيرى طريقه اكللك ليها

جربى تحطى بطاطس مهروسه مع جبنه شيدر مبشورة – بصل اخضر مقطع صغير – بيضه و شويه دقيق و اخليطهم مع بعض كويس

 

***عيش البرجر

جبتى عيش كتير و خايفه يبوظ

افتحى العيس نصين – حطى عليه شويه صلصة بيتزا – جبنه مبشورة أو موتزاريلا – سلامى و حطيه فى الفرن 15 دقيقة بالكتير

و كده بقى عندك مينى بيتزا جميلة

***شوربة الكريمة

ما تزعليش لو عملتى شورب كريمه فراخ – مشروم و فضل كتير

ممكن تجمديها بالشكل ده و فى اى وقت تكون جاهزة للأكل بطعم أول طبخة .

 

***بيتزا الكباب

طبعا البيتزا البايته شئ صعب ,

قطعيها حتت صغيرة و هاتى عصايه الشيش طاووك

حطى بيتزا – طماطم – قطع موتزاريلا – زيتون اسود و تكون سندوتش يجنن للمدرسة

***كيكه البسكويت

لو عندك بسكويت سادة و عايزة تعملى حاجه حلوه

اعملى طبقات  بسكويت – كريمه خفق – اناناس و سيبيها فى الثلاجه بقت عندك احلى كيكه

ممكن كمان تحطى بدل البسكويت اى كيك فانيليا عندك باقى

***لحم استيك

عشان تقدميه بطريقه جديدة تانى يوم ضيفى عليه قطعه جبنه شيدر و مشروم وسخنيه

ممكن يقدم فى عيش باجيت او مع ارز أبيض .

***الفراخ

دى مش حتغلبى فيها ممكن تعملى بيها حاجات كتيرة

– سلاطة سيزر

– تقدميها مع موتزاريلا و مشروم زى الأستيك

– شوربه كريمة

– تحطي عليها مسطردة و كاتشاب و مايونيز و  فى الفرن و تبقى زى الشيش طاووك.