شيش طاووق مع ارز بسمتي وسلطة بلدى بالبنجر
المقادير
للشيش طاووق
- 1 كيلو شيش طاووق سليم غير مقطع
- 1 معلقة صغيرة ثوم بودرة
- 1 معلقة صغيرة بصل بودرة
- 1 معلقة صغيرة ملح
- 1 معلقة صغيرة فلفل أسود
- عصير ليمون
- 1 معلقة صغيرة عسل اسود
للارز البسمتي
- 1/2 كيلو ارز بسمتي دهبى مغسول ومنقوع ومتصفى
- 1 معلقة كبيرة كاري
- 1 معلقة صغيرة كركم
- 2 عود قرفة
- 1 عدد بصل متوسطة الحجم ومبشورة
- 2 فص ثوم مفروم
- 4 معلقة كبيرة زيت
- 5 كوب شوربة
للسلطة
- 1 حبة بنجر مبشور
- 1 كوب جرحير مقطع صغير
- 1 كوب طماطم مقطع مكعبات
- 1 حبة فلفل رومي اخضر مكعبات
- 1 قرن فلفل حامي
- 3 عود كسبرة خضراء
- 1 عدد بصل صغير مقطع مكعبات
- عصير ليمون
- رشة ملح
- رشة زيت
الخطوات
- نتبل الشيش بالتوم والبصل البودر والملح والفلفل وعصير الليمون والعسل الاسود لمدة ساعتين ونسخن الشواية الكهرباء ونشويه على الجانبين لحد ما يبقى لونها دهبى جميل
- نجهز الارز فى حلة على النار نضع الزيت والبصل المبشور والتوم والقرفة ونشوحهم كويس وننزل عليهم بالارز ونقلب وننزل بالكارى والكركم والملح ونقلب ونطشهم بالشوربة ونسيبه يغلى على نار عالية اول خمس دقايق ونهدى النار ونسيبه يستوى ربع ساعة
- لعمل السلطة نقلب كل مكونات السلطة مع بعضها ونتبلها بالملح وعصير الليمون والزيت وبالف هنا
