ساندويتشات برجر مشوية
الحصص 4 اشخاص
المقادير
- 1 كيلو لحم مفروم
- 2 كيس بهارات برجر كنور
- ٦ شرائح جبنه شيدر للبرجر
- 6 عدد خبز كيزر
- 1 عدد فلفل اخضر
- 1 عدد فلفل اصفر
- 1 عدد فلفل احمر
- 2 عدد بصل شرائح
- 1 كوب صوص جبنه شيدر
- 1 كوب مايونيز
- 1 كوب كاتشب
- 2 طماطم شرائح دائريه
- 1 طبق بطاطس محمره للتقديم
- 1 كوب مشروم
الخطوات
- لعمل البرجر في بوله نخلط اللحمه المفرومه مع بيضه واتنين معلقه بقساط ناعم واتنين كيس توابل برجر كنور ولو غير متاح توابل برجر كنور هنضيف ( بصل بودره ثوم بودره ملح وفلفل أسود بهارات لحمه)
- نخلط المكونات جيدا ونشكل البرجر عن طريق مكبس برجر او غطا برطمان ونفصل بين كل واحده بورق زبده او نايلون
- لعمل صوص المشروم في طاسه على النار نضع الزيت ونكرمل البصل الشرائح مع ملح ومعلقه سكر ثم نضيف المشروم المقطع ومعلقه صويا صوص ونقلب
- نشوي البرجر علي الجريل ثم نضع العيش علي نفس الجريل ونرفعه جانبا
- نشوي الفلفل الألوان والطمام و البصل في نفس الجريل مع قليل من الزيت
- ثم نبدا بعمل ساندوتشات البرجر واحد بصوص المشروم وواحد بالخضار المشوي وواحد بصوص الجبنه الشيدر ويقدم مع بطاطس محمره
