fbpx

مكرونة بالبشاميل

مكرونة بالبشاميل

مطبخ طبق رئيسي, لحوم, مطبخ شرقى, مكرونات, وجبة الغذاء
مدة الإعداد 15 دقائق
مدة الطبخ 15 دقائق
الوقت الكلي 30 دقائق
الحصص 4

المقادير

  • 400 جرام مكرونة نصف مسلوقة

للبشاميل

  • 1 لتر حليب
  • 100 جرام قشطة بلدي أو كريمة لباني
  • 4 معلقة كبيرة دقيق
  • 4 معلقة كبيرة سمن أو 6 معلقة كبيرة زيت
  • 1 معلقة صغيرة ملح
  • 1/2 معلقة صغيرة فلفل أسود
  • رشة جوزة الطيب
  • 2 فص مستكة

للعصاج

  • 1/2 كيلو لحم مفروم
  • 1 عدد بصل متوسط الحجم ومفروم ناعم
  • 1 معلقة كبيرة خل
  • 1 ثمرة فلفل أخضر مفروم ناعم
  • 1 معلقة صغيرة ملح
  • 1/2 معلقة صغيرة فلفل أسود
  • 1/2 معلقة صغيرة بهار
  • 1 معلقة صغيرة بردقوش
  • رشة قرفة
  • رشة جوزة الطيب

الخطوات

  • تسلق المكرونه نصف سلقه وتصفي
  • لعمل العصاج: في طاسه ساخنه نضع فص مستكه يسيح وفوقه بعد مايسيح معلقة الخل ورشة قرفه وهننزل باللحمه المفرومه ونقلب كويس لحد ما اللحم ياخد لون ويختفي اللون الاحمر ولا يكون بها أي سوائل ونضيف البصل ونقلب لحد ماتفوح لها رائحه عطريه ونضيف الفلفل الاسود والملح والبهار والبردقوش ورشة قرفه تانيه ونضيف نصف كوب ماء ساخن ونغطي لحد ماتتشرب الماء هننزل بالفلفل الاخضر ورشة جوزة الطيب ونقلب دقيقه ونرفع من عالنار .
  • لعمل البشاميل: في حله ساخنه هنضيف السمن او الزيت والمستكه ثم ننزل بالدقيق مع التقليب السريع بمضرب سللك لمدة دقيقتين هيكون الدقيق اخد تحميصه خفيفه من غير لونه مايتغير وده انسب وقت ننزل بالحليب ونقلب كويس جدا بالمضرب حتي لا يحدث تكتل للدقيق ونستمر نقلب حتي ياخذ القوام المطلوب هنضيف نص كمية القشده وجوزة الطيب والفلفل الاسود ونقلب ونرفع من عالنار
  • نضيف حوالي تلتين كمية البشاميل للمكرونه ونقلب ونحضر قالب فرن مقاس 26ونضع فيه معلقتين بشاميل ونصف كمية المكرونه ثم اللحم العصاج ثم باقي المكرونه ونضيف باقي البشاميل عالوجه وندهن الوجه بنصف كمية القشده المتبقيه ويستحسن نجمد قطعة القشده للوجه في الفريزر ونبشرها علشان نضمن انها تتوزع عالوجه كله وندخلها الفرن في الرف الاوسط علي درجة حراره 200حتي يحمر الوجه لمدة 15 دقيقة ثم تقدم وبألف هنا.