fbpx

طاجن مسقعة باللحم المفروم مع ملوخية خضراء

طاجن مسقعة باللحم المفروم مع ملوخية خضراء

مطبخ خضروات, طبق جانبى, طبق رئيسي, لحم, مطبخ شرقى, مطبخ مصري, وجبة العشاء, وجبة الغذاء, وجبة متكاملة
الحصص 6
الشيف شيف/ غادة مصطفي

المقادير

  • ½ كيلو باذنجان رومي مقطع حلقات
  • 1 عدد بطاطس مقطع مكعبات
  • 2 عدد فلفل اخضر رومي سليم
  • 1 عدد فلفل الوان اصفر
  • 1 عدد فلفل الوان احمر
  • 3 عدد فلفل شطة سليم
  • 1 عدد بصل مقطع قطع كبيرة
  • زيت غزير للتحمير
  • 1 رأس ثوم مهروس ناعم
  • كوب خل
  • 2 ملعقة كبيرة زيت نباتي
  • 1 لتر عصير طماطم مسبكة بدون اي اضافات
  • 2 ملعقة كبيرة صلصة طماطم
  • ½ كيلو لحم مفروم معصج
  • 1 ملعقة صغيرة ملح
  • 1 ملعقة صغيرة فلفل اسود
  • 1 مكعب مرقة
  • رشة كزبرة جافة
  • رشة سكر

الملوخية :

  • 1 كيس ملوخية مجمدة مذاب
  • 1 ملعة كبيرة ثوم مفروم ناعم
  • 1 ملعقة كبيرة كزبرة جافة
  • 1 مكعب مرقة دجاج
  • 1 ملعقة كبيرة سكر
  • 1 ملعقة كبيرة سمن
  • 1 لتر شوربة مغلية

الخطوات

  • يقطع الباذنجان حلقات متوسطة السمك
  • يرش بقليل من الملح و يترك في مصفاه جانبا
  • تقطع البطاطس مكعبات
  • في طاسة في النار بها زيت غزير تسخن جيداً
  • اولاً يتم تحمير البطاطس
  • ثم يحمر الفلفل الاخضر و الالوان ثم يحمر الباذنجان
  • فى حلة على النار نضع الثوم المهروس ناعم يشوح حتي يكتسب لون ذهبي
  • نضع عليه ملعقة كبيرة كزبرة جافة
  • تشوح الكزبرة ثم نضيف عليها الخل
  • ثم نضيف الصلصة و تشوح
  • نضيف الطماطم المسبكة و نقلب
  • نضيف ملعقة كبيرة سكر و فلفل اسود
  • نضيف مكعب المرقة و يضبط الطعم و تترك تغلي
  • بعد الغليان تخفف بقليل من الماء
  • ناخذ منها مقدار نصف كوب لإضافته مع اللحم المعصج
  • في طاجن الفرن نضيف الباذنجان و البطاطس والفلفل
  • ثم نضيف عليها الصلصة المسبكة و نقلبهم جيداً
  • ثم نضيف علي الوجه اللحم المفروم
  • ندخل الطاجن الفرن الساخن لمدة 15 دقيقة.
  • وبعدها نشغل الشواية لمدة دقيقتين ليتحمر الوجه

لتحضير الملوخية :

  • نضع المرقة في حلة وسط و نرفعها علي النار
  • نضيف ملعقة ثوم مهروس مع ملعقة كزبرة جافة و ملعقة سكر ثم مكعب مرقة
  • نترك المرقة تغلي جيداً
  • نضيف الملوخية المذابة مع التقليب المستمر
  • للحصول علي القوام المطلوب
  • تغلي الملوخية غلوتين فقط نطفيء النار
  • تصب الملوخية في طاجن التقديم

تحضير الطشة :

  • في طاسة صغيرة علي النار
  • نضع 2 ملعقة سمن + 2 ملعقة ثوم مفروم ناعم
  • يشوح الثوم حتي يبدأ لونه بالاصفرار
  • نضع ملعقة كبيرة كزبرة جافة حتي تتحمر مع التوم
  • عند ظهور رائحة الثوم و الكزبرة و تغير لونه للذهبي الجميل
  • نضيف الطشة علي الملوخية
  • و تقدم وطاجن الملوخية مع طاجن المسقعة وبالهنا