Search

اكتئاب مابعد الولادة

من أكثر الاشياء المرهقة والمؤرقة للسيدات هو فترة اكتئاب ما بعد الولادة

ايه بالضبط طبيعه الاكتئاب وايه الي ممكن يحصل وامتي اطلب المساعدة الطبيه والنفسية

كل ده هنحاول نشرحه

اكتئاب ما بعد الولادة هي حاله مركبه من الاكتئاب بتصيب المرأه وتأثر عليها نفسيا وجسديا وسلوكيا وبتأثر بشكل كبير جدا علي طبيعتها في فتره ما بعد الولادة

ايه الي بيحصل ؟!

 الاكتئاب بيحصل بسبب التغييرات النفسيه والكيميائة والمصحابة لفتره ما بعد الولادة

من ضمن أشد المسببات للاكتئاب هو التغييرات الهرمونية المصاحبة للفترة دي وده بيأثر بشكل كبير علي المرأه

مع إن مفيش رابط حقيقي الدراسات تقدر تربط  بيه بين هبوط مستوي الهرمونات والاكتئاب

لكن

من المعروف إن مستوي هرمونات الاستروجين والبروجستيرون بيزيدوا 10 اضعاف في خلال فترة الحمل وبيهبطوا بشكل حاد بعد 3 أيام من الولادة الي نفس المعدلات ما قبل الحمل .

التغيير الحاد جنبا الي التحول الاجتماعي من مرأه إلي أم بكل مسئوليات الامومة والتغييرات المصاحبة

هحس بايه وايه الاعراض:

  • تغيير في طبيعة الشهيه .
  • تغيير في طبيعة النوم .
  • شعور بإجهاد شديد .
  • فقد للشهوة الجنسية .
  • تغييرات مزاجية .
  • ويصحابها أعراض اخري للاكتئاب.
  • فقدان للمتعة.
  • الشعور بقله الحيلة وفقد الأمل .
  • افكار في إيذاء النفس .
  • قد تتطور الي الرغبة في الإنتحار .

عوامل ممكن تزود حده الاكتئاب:

  • اكتئابات سابقة ما قبل الولادة أو ما قبل الحمل.
  • السن أثناء فترة الحمل والولادةكل ما صغر سنك كل ما زادت فرص الاكتئاب .
  • التردد حيال قرار الحمل والولادة .
  • قلة الدعم العائلي والاجتماعي .
  • الخلافات الزوجية.
  • المعيشة وحيدا.

هل الاكتئاب ده شئ حتمي ؟

كثير من الأمهات بتتعرض لتغييرات مزاجية بعد فتره الولادة وقليل منهم التغييرات المزاجية بتكمل وتتحول لاكتئاب وده ليه أنواع بتختلف في حدتها من أول التغييرات المزاجيةلحد اكتئاب ما بعد الولادة ثم الدرجة الاسوأ وهي ذهان ما بعد الولادة

ازاي نفرق ما بينهم ده هيتم بمراجعه الطبيب فقط لكن من الممكن إن التغييرات المزاجية في المراحل الأولية متاخدش وقت كتير ويحصل بعدها تغيير للأحسن

لكن في حالة استمرارها والدخول في الاكتئاب بأعراضه فمن ضمن الحلول المهمة جنبا الي استشارة الطبيب النفسي هي التعرف علي سيدات اخري في نفس فترة الولادة ومشاركتهم المخاوف والقلق

ازاي اتصرف بعد معرفتي ايه الي ممكن يحصل بعد الولادة

  • طلب المساعدة وتعريف الأخرين من أهل واصدقاء .
  • لا تحملي نفسك فوق طاقتك وضعي اهدافا واقعية لك وللطفل .
  • التمرينات الرياضية باشكالها المختلفه اكيد هتحسن من صحتك ونفسيتك .
  • قليل من المشي وتغيير روتين اليوم بشكل ما .
  • توقعي اياما سيئة واخري جيده واستعدي لده ووصلي ده لزوجك .
  • الدايت ونوعيه الاكل وتقليل الكافيين .
  • توفير وقت لشريكك والعكس يمثل دعم هائل لك نفسيا .
  • لا تعزلي نفسك عن العالم بسبب الحمل والولادة وواظبي علي ممارسه حياتك بشكل عادي .
  • تقليل الزيارات المنزليه لك للتهنئة وبالتالي الاجهاد الملاحق لها في اول فترة الولادة والعودة الي المنزل
  • النوم .

طريقة العلاج

بتختلف حسب شدة الاكتئاب وده بيحدده مراجعه الطبيب النفسي

العلاج ممكن يبقي مضادات للاكتئاب او استشارات نفسية ونوعيه العلاج الدوائي وطريقته هيحددها الطبيب النفسي بما لا يتعارض مع الرضاعة الطبيعية

اطلب المساعده امتي بعد فتره الولادة

  • التغييرات المزاجيه لو استمرت اكثر من اسبوعين
  • انعدام القدرة علي مزاوله المهام الطبيعيه
  • انعدام القدره علي التكييف مع المواقف اليومية
  • افكار في ايذاء النفس او الطفل
  • الشعور الدائم بالذعر والخوف