بيتي فور العيد
الحصص 6
المقادير
- 1 كيلو دقيق بسكويت
- ¼ كوب دقيق عند الحاجة
- 750 جرام زبدة فى درجة حرارة الغرفة
- 4 عدد بيض بلدي لو مش بلدي نجيب بيض حجمه صغير
- ½ ملعقة صغيرة فانيليا مركزة
- 1 كوب سكر بودر
- 3 ملعقة كبيرة كاكاو خام
- مربى مشمش للتزيين
- شيكولاتة دهن للتزيين
- فارماسيل للتزيين
- مكسرات مجروشة او جوزهند للتزيين
الخطوات
- فى العجان نخفق الزبدة مع السكر حتى نحصل على قوام كريمى ناعم
- وننزل بالبيض واحدة واحدة ونكمل خفق والفانيليا ونضرب لحد مايبقي كريمي ننزل بالدقيق
- ونضرب ولما يبدأ يثقل على المضرب نكمل دعك بايدنا وهو ما يجعله يذوب فالفم
- حتى نعمل جزء بالكاكاو نأخذ جزء من العجينة وضيفي ليها حوالي 50 جم زبدة
- ونضيف الكاكاو نحط معلقة معلقة وندعك حتى نحصل على اللون اللي نحبه
- ونشكل البيتى فور فالماكينة او القمع على صاج الفرن
- ونسويه فى فرن ساخن مسبقا على حرارة 180 لمدة 12 دقيقة
- ونلزق كل اثنين بمربي او شيكولاتة او نوتيلا ونزين زي مانحب
- وكل سنه وانتم طيبين وبالف هنا وشفا
