في كبه نضع السجق بعد التفضيه مثل الشكل الموضح في الفيديو ثم نضع عليه بصل وفلفل رومى وبهارات الحواوشي وملح وفلفل اسود و جوزه الطيب ونضربهم في الكبه او بالايد ونضع القليل من زيت و نضع خليط السجق ونعصجه.
في إناء نحضر البشاميل من خلال وضع 5 معالق زيت او سمنة عليهم 5 معالق دقيق ونشوحهم ونحط عليهم الحليب ثم ملح وفلفل اسود وجوزة الطيب ونقلب تقليب مستمر لحد ما الصوص يتقل لكن الأهم البشاميل يظل مش تقيل اوى.
فى بولة نضع المكرونة عليها خليط السجق عليها نصف كمية البشاميل
وفى صينية نضع مغرفة بشاميل ونضع عليها خليط المكرونة ونضع باقى البشاميل فوق الوجه ونضع بيضه عليها ملح وفلفل ونضع قشطة فوق الوجه وندخلها الفرن حتى يحمر الوجه وبالهنا والشفا.