محشى الكوسة بالسبانخ والشوفان
Servings 4
المقادير
- 6 حبة طماطم متقطعة شرائح دائرية متوسطة
- 1 كيلو كوسة مخلية القلب
- 1 حبة بصلة متقطعة مكعبات
- 1/2 كيلو سبانخ خضراء متقطعة
- 1/4 كوب عصير ليمون
- 1 ملعقة صغيرة سماق
- 1/4 ملعقة صغيرة جوزة الطيب
- 1 ملعقة صغيرة ملح
- 1/2 ملعقة صغيرة فلفل أسود
- 1/2 ملعقة صغيرة قرفة
- 1/2 ملعقة صغيرة زنجبيل
- 1/2 حزمة كزبرة خضراء متقطعة
- 1/2 كيلو صدور فراخ مفرومة
- 3/4 كوب شوفان
- 2 كوب شوربة
- 2 ملعقة كبيرة صلصة
الخطوات
- نتبل الكوسة المخلية القلب من الداخل بملح خفيف وفلفل
- على النار نشوح بصلة مقطعة صغير فى ملعقة زيت صغيرة وعندما يبدأ لونها يتغير نضيف السبانخ ونستمر فى التقليب
- نضيف عصير الليمون نوالسماق وجوزة الطيب والملح والفلفل ونستمر فى التقليب حتى تذبل أوراق السبانخ فنطفئ النار
تجهيز العصاج
- فى طاسة ساخنة نشوح صدور الفراخ المفرومة بدون أى مادة دهنية ، وعندما يتغير لون الفراخ تتبل بالملح والفلفل والبصلة المبشورة والقرفة والزنجبيل
- نقلب المكونات حتى تتشرب الفراخ ماء البصل
- فى بولة نخلط السبانخ مع العصاج ونضيف الكزبرة الخضراء والشوفان ونقلب المكونات معا جيدا
- نحشى الكوسة بالخليط السابق ونرصها فى الحلة ونصب عليها الشوربة المغلية مضاف لها الصلصة ولما تغلى نهدئ النار لتمام التسوية .. وتقدم .. بالهنا والشفا