4 وصفات باللحم المفروم _ حواوشي_ بوفتيك كذاب_برجر_كفتة مشوية
الحصص 4
المقادير
- 1 كيلو لحم مفروم
- ¼ كيلو بوش مفروم بالكبة ناعم
- 100 جرام لية ضاني مفرومة ناعم
- 2 عدد باكو بيكنج بودر
- 1 كوب فول صويا منقوع بماء ساخن ومعصور كويس جدااااا جدااا جدااااا ومفروم بالكبة
- 2 كوب برغل مغسول اكثر من مرة بماء دافيء ومش منقوع
- 1½ كيلو بصل ابيض مضروب بالكبة ناعم جداااا غير مصفى
- ½ كيلو فلفل أحمر حلو مفروم ناعم بالكبة
- 2 حزمة بقدونس متقطع ناعم للوصفات وللتقديم
- ¼ كيلو فلفل اخضر رومي متقطع برنواز رفيع للحواوشي
- 2 عدد فلفل حار متقطع برنواز رفيع للحواوشي
- قطعة فحم مولعة لتدخين الكفتة
- ورق زبدة لعرض طريقة حفظ الحواوشي
- اكياس بلاستيك مقسومة للبرجر والبفتيك الكداب
- عيش بلدي طري للحواوشي حوالي 10 ارغفة
- اعواد شيش لتسييخ الكفتة
- 1 كوب زيت
البهارات للاربع وصفات
- 3 ملعقة كبيرة بابريكا مدخنة
- 3 ملعقة كبيرة بهارات لحم
- 2 ملعقة كبيرة كبابة صيني
- 1 ملعقة كبيرة جوز الطيب مطحون
- ملح
الخطوات
- نقسم كمية البصل المفروم كيلو في وعاء والنصف الاخر في وعاء آخر
- هناخد كيلو البصل بالماء بتاعه والماء بتاع النصف كيلو التاني ونشيل التفل علي جنب
- هضيف للبصل كل البهارات والملح وانزل بالبرغل واقلبه كويس واخليه يشرب ماء البصل
- واتركه ⅓ ساعة ل ½ ساعة وبعد كده انزل بالبوش المفروم واللحم المفروم
- واعجن كل المكونات كويس جدا لمدة 10 دقائق واتركها ⅓ ساعة كمان تمسك نفسها
- ونبدأ نشتغل فيها…
- نقسم الخليط لأربع اجزاء متساوية
للكفتة المشوية
- اضيف للجزء المأخوذ البقدونس والليه واعجن كويس
- وادخنها بالفحم
- وابدأ اصبعها بالزيت علي اعواد الشيش
للبرجر والبفتيك الكذاب
- اخد جزئين من الخليط واضيف عليه الفول الصويا المفروم واعجن كويس
- واضيف رشة ملح بسيطة وفلفل
- واشكل البرجر بين كيسين بالمكبس
- وارصه في الاطباق
- ونفس الشيء للبفتيك الكداب لكن يفرد بسمك رفيع
للحواوشي
- هاخد جزء اللحم واضيف عليه فلفل رومي وحار مقطع رفيع وباقي اللية
- وشوية فلفل احمر مفروم وجوزة الطيب و٧ بهارات وملح وفلفل وباقي كمية البصل
- واحشي العيش البلدي
- وادهن ورق زبدة بالزيت واحط العيش واحفظه بالفريزر واطلعه على التسوية
