ساليزون مشكل حلو وحادق
المقادير
- 1/2 كيلو دقيق
- 1 كوب دقيق اضافي
- 1/4 كيلو زبدة صفراء
- 1 معلقة كبيرة زبدة
- رشة ملح
- 1 معلقة صغيرة سكر
- ماء للعجن
للحشوات
- 1/4 كوب مربى فراولة
- 1/4 كوب مربى مشمش
- 1/4 كوب شيكولاتة نوتيلا
- 1/4 كوب تونة
- 1/4 كوب جبنة كريمي
- 1/4 كوب جبنة شيدر مبشورة
- 1/4 كوب فلفل ألوان متقطع مكعبات صغيرة جدا
- 1/4 كوب بقدونس مفروم ناعم
للتزيين
- حبات فراولة للساليزون حلو
- حبات طماطم شيري للساليزون الحادق
الخطوات
- نضع ربع كيلو الزبدة مع معلقتين كبار دقيق ونقلبهم كويس ونعجنهم ونفردهم بالنشابة بين كيسين ويوضع في الثلاجة لحين تجهيز العجين
- فى طبق عميق نضع نص كيلو دقيق مع رشة ملح ورشة سكر ومعلقة زبدة طرية ونعجن بالمية لحد ما نحصل على عجينة مناسبة نغطيها ونسيبها ترتاح ربع ساعه ونرش رشة دقيق ونفردها ونفرد فوقيها شيت الزبدة الباردة اللى جهزناها ونطبق العجينة عليها كويس ونقفلها من الجناب ونفردها بالنشابة كويس ونطويها وندخلها الثلاجة ساعة ونرجع نفردها تانى ونطويها مرتين كمان وبكدة تبقى جاهزة للتشكيل
- نقطع من العجينة المفرودة باستخدام قطاعات باشكال مختلفة قلوب وورد ونحطها فى صنية وندهن وشها بصفار بيضة مضروب مع رشة حليب وندخلها الفرن على حرارة ١٨٠ لمدة ٢٥ دقيقة تقريبا ونطلعها تبرد ونحشيها بالحشوات المختلفة حلو وحادق وبالف هنا
