Search

ازاى تزود التركيز فى فترة الامتحانات

في فترة الامتحانات وبسبب الضغط النفسي والتوتر الي بنمر بيها كطلبة بنحتاج إلي طرق كثيرة عشان نعرف نركز بشكل كويس جدا علي المهمة المطلوب إنجازها ولأننا مش دايما بنعرف نواصل في التركيز

فإليك ولابنك وبنتك طرق تساعدهم علي التركيز في فترة الامتحانات

لازم نبقي عارفين ان التركيز عملية تتطلب الاعداد الجيد وإننا علشان نركز بنحتاج مساعدة من الاخرين في إننا نركز

1-هتحدد موعد يومي ثابت للمذاكر ويفضل يكون في وقت الامتحان المتوقع عشان يبقي دماغك اتعودت علي المذاكرة في الموعد ده

2 –الاستيقاظ مبكرا والبدء بالمذاكرة شئ هام عشان بتكون لسه في أول نشاطك ومخك لسه مفيش ملوثات كتيرة في اليوم أثرت عليه

3 – في طريقة جديدة للمذاكرة اسمها pomodorro technique  و والكلمة معناها طماطم بالايطالي وهي عبارة عن إنك بتنزل application   من علي ال playstoreبيكون عبارة عن منبه مضبوط مسبقا علي 25 دقيقه ل 5 دقائق في ال25 دقيقة بتكون انت محدد هدف معين مركز عليه فقط وميكونش الهدف ده كبير يعني هتحتاج تعرف بتخلص مثلا مذاكره لعشره ورقات في خلال قد ايه وقت وبعدها تبدأ تجرب الطريقة دي وتشوف هتقدر تخلص قد ايه وبيكون وقت الراحة بتاعك خمس دقائق فقط  الطريقة دي فعالة جدا لانك في وقت المذاكرة مش بتعمل اي حاجه غير المذاكرة ولو قمت لأي سبب ما بتعيد ال25 دقيقة تاني ومينفعش توقف المنبة

4 – ابعد كل ابعاد انتباهك عنك زي الموبايل والتليفزيون واللب والمأكولات

5 – وقت ما تقرر تذاكر ادخل غرفتك او مكانك المفضل للمذاكرة و عرف اهلك انك هتكون بتذاكر واطلب منهم محدش يطلب منك طلب في الوقت

6 –لما تكون في غرفتك يكون معاك زجاجه ماء ووجبه بسيطة وفقط عشان متخرجش من غرفتك لأي سبب

7- فكر في عقلك كعضلة انت بتمرنها في الاول هتكون مجهد جدا من اول 25 دقيقة مذاكره بعد كذا يوم دماغك هتتعود علي النظام الجديد المتبع

8 – خلي دايما جنبك ورقة بحيث لو جت لك أي فكره خيالية او اي شئ يبعد عنك التركيز اكتبه في الورقة دي وبعدها لما يجي وقت الراحة قيم افكارك دي والحاجات الي انت عايز تعملها بكده الفكره هتفضل في دماغك او مكتوبه وفي نفس الوقت انت مسبتش المذاكرة ولا التركيز

9 – لو زاد عليك التوتر والضغط النفسي في بعض المشروبات الي بتساعد علي التهدئة مثل(الكاموميل – النعناع – الليمون )

10 لو المقاطع الي انت بتقراها طويلة قطعها واقرأها علي مهلك وحاول تفكها وتعلم علي اهم الحاجات فيها واخر اليوم ترجع تقرأها تاني . نتنمي ليكم في فترة الامتحانات الصعبة دي السداد والتوفيق .