فطير شرقي بالسجق

فطير شرقي بالسجق

للعجين

  • 5 كوب دقيق
  • 2 معلقة كبيرة عسل
  • 1 كوب زيت
  • ماء (للعجن)
  • رشة ملح

للحشو

  • 1/4 كيلو سجق (بلدي)
  • 1/4 كيلو صدور دجاج (حسب الرغبة)
  • 1/4 كيلو لحم مفروم (حسب الرغبة)
  • 1 عدد بصل (كبير الحجم ومبشور)
  • 2 فص ثوم (مهروس)
  • توابل (مشكلة)
  • فلفل (حامي مقطع)
  • فلفل (رومي مقطع شرائح)
  • 1/4 كيلو زيتون أسود (مقطع شرائح)
  1. لعمل العجين:نضع الدقيق ورشة ملح والعسل وربع كوب زيت وماء للعجن ونعجن كويس اوى لحد ما يبقى عندنا عجينة مناسبة ندهن وشها برشة زيت ونغطيها ونسيبها ترتاح ونجهز الحشوات
  2. نحضر ثلاث طاسات :نضع في كل طاسة بصل مبشور وتوم مهروس ورشة زيت ونشوح كويس وننزل فى طاسة باللحمة المفرومة حسب الرغبة والتوابل المشكلة والملح والفلفل والفلفل الحامى ونقلب ونتركها على جنب
  3. وننزل في الطاسة التانية بالسجق والفلفل الشرايح ونقلب ونركنها على جنب
  4. وننزل في الطاسة الثالثة بصدور الدجاج حسب الرغبة ونشوح وبكدة كل الحشوات جاااهزة
  5. لعمل الفطير الشرقي: نقطع العجين لست كور ثلاثة كبيرة وثلاثة صغيرين ونفردهم بالنشابة على سطح مرشوش زيت ونحط عجينة صغيرة مفرودة فوق عجينة كبيرة مفرودة مع رشة زيت ونحط الحشو ونقفل الفطيرة ونغرق وشها موزاريلا وندخلها الفرن على درجة حرارة عالية جدا على الشبكة فى النص لمدة ربع ساعة وبالف هنا وشفا