صينية كوسة باللحمة المفرومة

صينية كوسة باللحمة المفرومة

وجبة طبق رئيسي
مطبخ خضروات, طبق رئيسي, لحوم, مطبخ شرقى, وجبة الغذاء
مدة الإعداد 30 دقائق
مدة الطبخ 30 دقائق
الوقت الكلي 1 ساعة 1 دقيقة
الحصص 4 اشخاص

المقادير

  • 2 كيلو كوسة كبيرة الحجم مقطعه شرائح طولية
  • 1/2 كيلو لحمة مفرومة
  • 1/2 كيلو طماطم تعصر في خلاط الكوكتيل
  • 1 حبة كبيرة بصل مفرومة ناعم
  • 5 فصوص ثوم مهروس ناعم
  • 2 حبة كبيرة طماطم مقطعة حلقات
  • 1 قرن فلفل شطة مقطع حلقات
  • 1 قرن فلفل اخضر رومي مقطع قطع صغيرة
  • 2 معلقة كبيرة زيت لتعصيج اللحمة
  • 1/2 كوب زيت لتحمير الكوسا
  • 1 معلقة ملح
  • 1 معلقة كبيرة فلفل اسود مطحون
  • 1 معلقة كبيرة حبهان مطحون
  • 1 معلقة صغيرة كبابة صيني مطحونة
  • 1 معلقة كبيرة كزبرة جافة مطحونة
  • 1 معلقة سكر
  • 1 كوب كبير ماء مغلي

الخطوات

  • لتعصيج اللحمة: كسروله نرفعها علي النار ونضع فيها معلقتين زيت و نضع البصل و يتم تشويحة قليلاً ثم نضع اللحمة المفرومة و نشوحها جيداً حتي يتغير لونها تماماً نضيف عليها قليل من الملح و الفلفل و الكبابة الصيني ثم نضيف عصير الطماطم و السكر و نغطي عليها و تترك حتي تنضج و تتسبك وبعد التسبيك يضاف عليها الفلفل الرومي و الشطة و كوب ماء مغلي حتي يتكون صوص غني بصلصة الطماطم.
  • علي النار في طاسة واسعة نضيف نص كوب زيت و بعدها نضيف شرائح الكوسا علي مراحل و تشوح حتي تكتسب اللون الذهبي من جميع الجهات ثم نضيف عليها الثوم المفروم.
  • تتبل الكوسة بقليل من الملح و الفلفل و الكزبرة الجافة.
  • يسخن الفرن علي درجة حرارة 180.
  • في قالب بايركس نضع جزء من شرائح الكوسة و يتم فرده بالتساوي ثم يصب فوقها نصف كمية اللحمة بالصوص حتي تغطي طبقة الكوسا تماماً ثم نضع فوقها طبقة من شرائح الكوسا ثم طبقة اخري من اللحمة المعصجة مع الاحتفاظ بكمية من الصوص بدون لحمة ثم نضع طبقة اخيرة من شرائح الكوسا بحيث تغطي اللحمة وترص علي طبقة الكوسة حلقات الطماطم بالتساوي ثم يوزع عليها صوص اللحمة بدون لحمة.
  • تدخل الصينية. الفرن لمدة 15 دقيقه في الرف الاوسط ثم دقيقتين تحت الشواية ليحمر الوجة و تقدم بعد خروجها من الفرن بالف هنا و عافيه.