السمبوسك المنزلي بطريقتين
الحصص 6
المقادير
الطريقة الاولى
- 500 جرام دقيق
- 1/2 معلقة صغيرة ملح
- 1 معلقة صغيرة سكر
- 250 ملي ماء للعجن
لفرد العجين
- 1 كوب دقيق
- 1 كوب نشا
- 1 كوب زيت
الطريقة الثانية
- 1 كوب دقيق
- 1 معلقة كبيرة نشا
- 1 معلقة كبيرة زبدة أو زيت
- 1 معلقة صغيرة سكر
- رشة ملح
- 1/2 كوب ماء للعجن
الخطوات
لتحضير الطريقة الاولى
- يخلط الدقيق مع الملح والسكر ويعجن بالماء الدافي وتكون العجينه متوسطة الليونه نعجنها كويس ونغطيها ونسيبها ترتاح حوالي نص ساعه.
- نفردها رول طويل ونقطعها عشرين قطعه متساويه ونبطها ونرش دقيق علي صينيه ونرصصها ونغطيها ونسيبه ١٠ دقايق ترتاح ونرش دقيق ونفرد كل كره شكل رغيف وبعد مانخلص فرد ناخد كل اربع ارغفه مع بعض ندهن كل رغيف زيت و نرش فوق فوقه نشا ونكرر نفس الخطوات.
- العشرين قطعه نعمل منهم ٥ مجموعات وهناخد اول مجموعه ونفردها الاول باليد وبعدين بالنشابه ونحط حله عالنار وفوقها صينيه مسطحه تسخن ونحط فوقها اول مجموعه يعني اول رغيف كبير ونفضل نقلب علشان الاربع طبقات يتنفخوا يسيبا بعض من غير مايحمر معانازهناخدهم ونفككهم من بعض كل مجموعه هترجع ٤ يعني هيرجع معانا ٢٠ خبزه هنرصصهم فوق بعض ونقسمهم نصين وبكده يبقي عندي ٤٠ قطعة من السمبوسك ونشيله في اكياس في الفريزر لوقت الاستخدام.
لتحضير الطريقة الثانية
- في بوله نخلط الدقيق والنشا والملح والسكر ونفركهم بالزبده او الزيت وننزل بالميه ونعجن جيدا ونتركها ترتاح لمدة لا تقل عن نص ساعه ونرش دقيق ونفردها بسمك رقيق وتقطع وتحشي باي حشوه وتغلق مثل القطايف وتقلي او توصغ في اطباق وتدخل الفريزر لوقت الاستخدام.
